Kelly有無眼花？英國靚仔廚師 Jamie Oliver「飄入」長洲！飄色巡遊係長洲太平清醮的重點活動，平時小朋友扮武松、孫悟空就見得多，今次有外國小朋友參與，Kelly覺得好新鮮，一定約埋班姊妹見識見識，其中本地團體「為食起革命」為了推廣健康飲食，派出「迷你版Jamie Oliver」參加飄色，夠晒 Eye catching！
針對外國小孩癡肥問題嚴重，Jamie Oliver 致力推廣「為食起革命」（Food Revolution），更在英美校園起革命，以新鮮生果蔬菜取代快餐，改善學童的餐飲膳食。每年的五月十七號，世界各地都有不同的活動推廣健康飲食，適逢今年撞正長洲太平清醮。「為食起革命」香港區負責人 Beatrice 搞搞新意思，派出一名外籍小朋友扮演「迷你版Jamie Oliver」，參加飄色巡遊，沿途派發紀念品和宣傳單張。
Beatrice 同Kelly講，選角都幾難，好彩之後搵到個係長洲生活的外籍小朋友，日內就會定裝。今次更加係首次有外國小朋友參加長洲飄色，佢到時一定成為焦點。
資料來源 : 頭條日報
